புதிய வருமான வரி முறையின் மாற்றங்கள் (New Tax Regime)

      புதிய வருமான வரி முறையை (New Tax Regime) தேர்வு செய்யலாமா, பழைய முறையிலேயே (Old Tax Regime) தொடரலாமா என்ற கேள்வி பலருக்கும் எழுகிறது. 



புதிய வருமான வரி முறையை தேர்வு செய்யலாம் என்றால் யார்?


நீங்கள் ரூ. 12.75 லட்சம் அல்லது அதற்கும் குறைவாக வருட வருமானம் ஈட்டினால், புதிய வரி முறையை தேர்வு செய்வது சிறந்தது. இதற்குக் காரணம், புதிய முறையில் ரூ. 12.75 லட்சம் வரையிலான வருமானத்திற்கு வரி கிடையாது.


நீங்கள் முதலீடுகள் செய்யாமல் இருந்தால், பழைய முறையில் 80C, 80D போன்ற தள்ளுபடிகளை பெற முடியாது. இதனால், புதிய வரி முறையை தேர்வு செய்தால் உங்கள் வரிச்சுமை குறையும்.


வீட்டு லோன் இல்லாதவர்கள், பழைய முறையில் உள்ள ஹோம்லோன் வட்டி கழிவின் நன்மையை பெற முடியாது. இதனால், புதிய முறையை தேர்வு செய்வது பொருத்தமானதாக இருக்கும்.


உங்கள் வருமானம் ரூ. 12.75 லட்சத்திற்கும் அதிகமாக இருந்தாலும், முதலீடுகள் செய்யாமல் இருந்தால், புதிய முறையை தேர்வு செய்வது சரியான தேர்வாக இருக்கும்.


நீங்கள் முதலீடுகள் செய்திருந்தாலும், உங்கள் வருமானம் ரூ. 12.75 லட்சத்திற்குள் இருந்தால், புதிய முறையை தேர்வு செய்வது நல்லது. ஏனெனில், முதலீடுகளின் பயன் பழைய முறையில் மட்டுமே கிடைக்கும், ஆனால் புதிய முறையில் இது தேவையில்லாமல் வரிச்சுமையிலிருந்து விடுபடலாம்.


 புதிய வருமான வரி முறையின் மாற்றங்கள் 


புதிய வரி முறையின் கீழ், வருமான வரி ரிபேட் (Tax Rebate) ரூ. 12 லட்சம் வரை உயர்த்தப்பட்டுள்ளது. இதன் மூலம், ரூ. 12 லட்சம் வரையிலான வருமானத்திற்கு வரி கட்ட வேண்டியதில்லை.


12 லட்சத்திற்கும் அதிகமாக வருமானம் இருந்தால், புதிய முறையில் வரி விகிதங்கள் 


ரூ. 0 முதல் 4 லட்சம் வரை வரி இல்லை.


ரூ. 4 முதல் 8 லட்சம் வரை 5% வரி.


ரூ. 8 முதல் 12 லட்சம் வரை 10% வரி.


ரூ. 12 முதல் 16 லட்சம் வரை 15% வரி.


ரூ. 16 முதல் 20 லட்சம் வரை 20% வரி.


ரூ. 20 முதல் 24 லட்சம் வரை 25% வரி.


ரூ. 24 லட்சத்திற்கும் மேல் 30% வரி.


 பழைய வருமான வரி முறையின் விதிகள் 


பழைய முறையை தேர்வு செய்தால், வரி விகிதங்கள் பின்வருமாறு இருக்கும்:


ரூ. 2.5 லட்சம் வரையிலான வருமானத்திற்கு வரி இல்லை.


ரூ. 2.5 முதல் 5 லட்சம் வரையில் 5% வரி.


ரூ. 5 முதல் 10 லட்சம் வரையில் 20% வரி.


ரூ. 10 லட்சத்திற்கும் அதிகமாக 30% வரி.


இங்கு, 80C, 80D போன்ற முதலீடுகள் மூலம் வரிச்சுமையை குறைக்கலாம். குறிப்பாக, ரூ. 7 லட்சம் வரை வருமானம் உள்ளவர்களுக்கு பழைய முறையில் அதிகளவான சலுகைகள் கிடைக்கும்.


 யாருக்கு பழைய வரி முறை உகந்தது? 


நீங்கள் அதிக முதலீடுகள் செய்திருந்தால், பழைய முறையில் 80C, 80D போன்ற கழிவுகளை பயன்படுத்தி வரிச்சுமையை குறைக்கலாம். வீட்டு லோன், இன்சூரன்ஸ் பிரீமியம் போன்ற நன்மைகளை நீங்கள் பெற நினைத்தால், பழைய முறையை தேர்வு செய்வது நல்லது.


புதிய வரி முறையில் குறைந்த வருமானம் உள்ளவர்களுக்கு (ரூ. 12.75 லட்சம் வரை) வரிச்சுமை குறையும். முதலீடுகள் செய்யாமல் இருந்தால், பழைய முறையை விட புதிய முறை பயனளிக்கலாம். ஆனால், அதிக முதலீடுகள் செய்தால், பழைய முறையில் வரிச்சுமையை மேலும் குறைக்கலாம்.

Comments

Post a Comment

Popular posts from this blog

ஜிஎஸ்டி பொது மன்னிப்பு திட்டம்

ஆந்திராவில் உள்ள ஒரு தினக்கூலி தொழிலாளிக்கு ரூ.22.86 லட்சம் ஜிஎஸ்டி நிலுவைத் தொகையை வசூலிக்க நோட்டீஸ் அனுப்பப்பட்டது